Panimula

         Ayon kay Constantino (1996), ang wika ang siyang pangunahing instrumento at midyum ng komunikasyong panlipunan. Bilang instrumento, maaaring matamo sa pamamagitan nito ang mga instrumental at sentimental na pangangailangan ng tao. Kaya naman, hindi maikakaila ang katotohanan na ang wika ay magsisilbing tulay ng komunikasyon ng mga tao upang makaagapay sa lipunang ginagalawan.



         Sa mundo ng globalisasyon, ang paggamit ng wika upang makipag-komunikasyon ang isa sa mga salik upang magkaroon ng isang buo at matatag na pundasyon ang isang bansa. Subalit, ang Wikang Filipino ba tinaguriang wikang Pambansa na kung saan ito dapat ang gamitin sa ating lupang sinilangan ay para bang nakikipagtagisan sa isang salitang dayuhan ang Wikang Ingles. Ukol dito, sa pagkakaroon ng dalawang umiiral na wika sa bansa nasasaalang-alang ang katatasan ng mga tao sa pagpili at paggamit ng mga salita upang makapagpahayag. Ito ay iyong tuloy-tuloy na magsasalita ng Filipino tapos ay bigla namang hahaluan ng Ingles sa pagsasalita na kung saan ito ay mas kilala sa tugon na “TAGLISH”.


         Sa makatuwid, saklaw ng konseptong papel na ito ang pag-aaral sa kaligirang isyung pangwika ukol sa “TAGLISH” na nakakaapekto sa Globalisasyon dulot nang tunggalian ng wikang Filipino at Ingles